Shillong, Jylliew 05
Ka lympung SSA U-20 4th Division Football league 2026 ha ka 04 tarik Jylliew 2026 kala bteng da ka jingïalehkai hapdeng ka Golflink SC pyrshah ïa ka Mawlyngngad SC kaba la long ha madan Ground No.1 ka SSA ha ka por 1 baje mynsngi.
Ka Golflink SC ka la jop noh da 2-1 kol ïa ka Mawlyngngad SC, ïa ki kol ka Golflink SC la thep da u Andoni Suting ha ka por 40 minit bad u Ribanshan Wahlang 65 minit katba ka shi kol ka Mawlyngngad SC la ïoh ban thep da u Nongïalam Kharmalki ha ka por 59 minit.
Ha kawei pat ka jingïalehkai kaba la long ha kajuh ka jaka ha ka por 4 baje janmiet ka Pynthorbah SC ka la ïakhaid noh bad ka Nongkseh United FC khlem da lah thep kol.
Ha kawei pat ka jingïalehkai kaba ha ka por 4 baje ha madan MFA Ground 3 hapdeng ka Mawphlang SC bad ka New Challenger FC kumjuh ki la shu kut noh ha ka jingïakhaid da 2-2 kol. Ïa ki kol ka Mawphlang la thep da u Kerius Rymbai (17) bad u Arkidonlang Hujon (49) bad ki kol ka New Challenger FC la thep da u Bonifast Wanniang (29) bad u Pynbianglang Kharsyntiew (68).
