Shillong, Jylliew 05
Ka kynhun ïalehkai hockey jong ki shynrang hapoh ka 18 snem ka rta jong ka India ka la ïoh ïa ka jingjop kaba itynnad pyrshah ïa ka Pakistan ha ka jingïalehkai semifinal jong ka Asia Cup ha Japan.
Ka India ka la sdang da kaba khlain bad ka la shim khia kloi, hynrei ka Pakistan ka la ialeh pyrshah tyngeh.
Ha kaba kut jong ka third quarter, ka India ka la shah rem da 2-3 kol. Ka India ka la leit sha ka jinghiar thma kaba jur bha ha ka quarter kaba khatduh. U rangïalehkai ba shakhmat ka India u Ashish Tani Purti u la ïoh ïa ka jingïalehkai kaba phylla, ha kaba u la thep saw kol na ki san tylli ki kol jong ka India (kynthup ïa ka hat-trick na ki penalty corner ha ki minit ba khatduh) ban pynphai kylla ïa ka kol sha ka 5-3 kol.
Da kane ka jingjop kaba heh, ka India ka la rung sha ka grand final, ha kaba kan ïakhun pyrshah ïa ka ri nongpdiang, ka Japan. Katba ka Pakistan kan ïakhun pyrshah ïa ka Malaysia na ka bynta ban rah ïa ka takma rnong ne ha ka kyrdan ba lai.
