Shillong, Jylliew 07
Ka Mawñianglah Youth SC ka la pynjem khnap haduh 6-0 kol ïa ka Summit Academy na ka bynta ban khur jingjop ha ka U-20 4th Division Football League 2026 ba la pynïaid da ka Shillong Sports Association ha ka sngi Saitjaiñ.
Ha kane ka jingïakhun kaba la long ha SSA Stadium u Nicky Mawthoh u la khur ïa ka hat-trick hadien ba u la ïoh ban thep ha ka minit kaba 5, 33 & 45. Katba ïa kiwei pat la pynbud da u Andrew Maring (20), Kenneth Jyrwa (23) bad u Eborlan Kharkongor (30).
Ha kawei ka jingïakhun kaba kham hashwa, ka Mawshbuit ka la shah rem noh ha ka Nongpiur SC da 3-0 kol. Ïa kine la thep da u Melamjingshai Lyngdoh ha ka minit kaba 52 bad ïa ki ar kol la thep da u Pynwanlang Nongneng (65 & 77).
Haba phai sha kawei pat ka jingïakhun kaba la long ha madan MFA hapdeng ka Umïew S&CO bad ka Seila Sap FCC ki la ïasam mar shi poiñ hadien ba ki la thep mar 1-1 kol.
Ha kane ka jingïakhun ka Seila Sap ka la pynkhih jar nyngkong eh lyngba u Kerryson Khyriem ha ka minit kaba 14, hynrei ka Umïew ka la pynphai kylla lyngba u Iateiskhem Warjri (32) na ka bynta ban ïakhaid mar shi kol.
