Cuba, Jylliew:
U jumai uba 6.1 Magnitude ka jingkhlaiñ, u la pynkhynñiuh ia ka phang West jong ka Cuba ha ka Sngi Nyngkong, kaba la pynkhih win ia kiba bun tylli ki iing mala hapoh Havana bad ha kiwei ruh ki thaiñ ba marjan.
Hynrei la ong ba tad haduh jong ka step Sngi Ba-ar, ym pat shym la ioh jingtip ban don kiba mynsaw ne shah ktah na utei u jumai ha katei ka sngi.
Utei u jumai u la pynkhynñiuh ha ka jingjylliew kaba 6 mile lane 10 kilomiter ha ki um jong ka thaiñ West ha katei ka nongbah.
Ka manager jong ka hotel Pinar del Rio, ka Flavia Pupo, ka la iathuh ba ka jingkhynñiuh jur ki iingmala ha katei ka thaiñ, ka la pynkhih win ia ki paidbah nongshong shnong katei ka thaiñ bad khamtam kito kiba don ha ki iingmala kiba heh kum ki hotel, ki mall bad kiwei de.
Hynrei, ka la iathuh ba baroh kiba don ha katei ka hotel kaba hap hapoh ka jingkhmih jongka, ki biang lut bad kim shym la shah ktah eiei ha utei u jumai ha katei ka sngi.
Ia kane ka jingkhynñiuh jumai kaba khatduh la sngew haduh ki jaka kiba jngai bha kum ka Florida. Ka tnad National Weather Service ha Miami, ka iathuh ha ka tweet jongu, ba ka la ioh bun tylli ki khubor ba ki don ka jingkhih jumai ha ka thain shatei lam mihngi jong ka Jylla.
Ka Oriente fault zone ka don tang hajan ka rud duriaw shatei lam mihngi jong ka Cuba bad ka la pynmih ïa ki jingkhynñiuh jumai kiba pynjulor ha kine ki spah snem ba la dep, kynthup ïa ka jingkhynñiuh jumai kaba 7.7 magnitude ha u Kyllalyngkot jong u snem 2020 ha ki um duriaw kaba la wanrah katto- katne ki jing pynjulor ia ka Cuba bad ki Dew lynnong Cayman.
