Tehran, Jylliew:
U Lamphang ka tnat kam bar ri jong ka Iran, u Esmail Baghaei, ha kane ka kynti u la pynrem jur ïa ka jingleh jong ka US, haba iadei bad ka jingleit thombor jong ka US ïa kawei ka jhad kaba kit ïa ki nong India, ha kaba 3 ngut ki nong India kiba don hangta, ki la duh ei noh ïa la ka jingim ha katei ka jingjia kaba la jia ha ki khyndiat sngi ba la leit. U la pynpaw ka jingsngewlem sha ki bahaïing- hasem jong ki nongleit jingleit kiba la duh ïa ka jingim jongki ha katei ka jingleit thombor jong ka US bad ha kajuh ka por ruh u la kyntu ïa ki ri ka pyrthei ban buh jingkitkhlieh ïa ka ri America haba iadei bad kane ka jingjia. Ha ka jingthoh hapoh ka rynsan ‘X’, u Baghaei u la thoh, “Ki kam thombor ba shyrkhei jong ka U.S. ïa ki jhad khaïi jong ka ri India, kaba la shim ïa ka jingim jong ym duna ïa lai ngut ki nong India, ki long ka sakhi kaba shai ïa ka polisi jong ka America kaba dang iaid shakhmat jong ka jinglute da ki tiar bad ka jingtuh jong ki nong India. Ngi pynpaw ïa ka jingsngewlem jong ngi sha ki bahaiing bad ki paralok jong ki nong India kiba la shah pyniap dusmon.”
Ki jingleit thombor ba shyrkhei jong ka U.S. ïa ki jhad khaii jong ka ri India kiba la pyniap ym duna ïa ka lai ngut ki nong India, ki ieng kum ka sakhi kaba shai ïa ka polisi jong ka America kaba dang iaid shakhmat jong ka jinglute da ki tiar bad ka jinglute jong ki Jylla.
Kham mynshwa, ka tnat kam bar ri ka la pynrem ïa ka jingshah thombor jong kawei ka jhad khaii ha rud duriaw jong ka Oman, da kaba ong ba 21 ngut na ki 24 ngut ki nongtrei jong ka India kiba don ha ka jhad la lah ban pyllait im, katba lai ngut ki nong India ki dang jah rngai.
“Ngi pynrem ïa ka jingshah thombor jong ka lieng khaii Settebello ha rud duriaw jong ka Oman, kham mynshwa mynta ka sngi. Na ki 24 ngut ki nongtrei jong ka ri India kiba don ha ka liengsuin, la ioh ban pyllait im ïa 21 ngut ki nong India haduh mynta bad la iathuh ba 03 ngut ki nong India ki dang jah. Ka jingwad bad jingpyllait im,” la ong ka MEA ha ka kyrwoh.
Haba pynpaw ïa ka jingsngewkhia halor ka jinglong jingman jong ka jingïada kaba kham jylliew ha ka thaiñ, ka MEA ka la ong, “Ki jingjia kiba dang ïai bteng jong ka jingshah thombor ha ki liengsuiñ ha ka thaiñ ki long kiba sngewkhia shibun bad ki dei ka jingmih kaba beit na ka jingïakynad kaba dang ïaid shakhmat ha ka thaiñ.”
“Ka India ka la pynpaw biang ïa ka jingkyrpad jong ka ban “pynduh ïa ka jingeh”, da kaba ong, “Ngi pynpaw biang ïa ka jingkhot jong ngi ban pynduh noh mardor ïa ki jingïakynad, bad ka jingpynkut ïa ki jingïakren kiba dang ïaid shakhmat na ka bynta ka jingpynbeit lyngba ka jingïadei khnang ba ka jingsuk bad jingshong suk shongsaiñ kan wanphai biang ha kane ka thaiñ.”
