Jerusalem, Jylliew:
U Myntri Rangbahduh ka Israel, u Benjamin Netanyahu, ha kane ka sien u la kren shai bad pynpaw ba ka Israel kan nym phah mih ia ki shipai jongka na Lebanon, Gaza bad kumjuh ruh na Syria, katba ka Israel kam pat pyndep ia ki kam bad jingthmu jongka baroh. Kane ka jingkren jong u ruh ka long ruh tang hadien katto katne kynti ba ka US ba ka US ka la pynbna ia ka jingmynjur sangeh thma hapdeng ka Iran bad ka US ha ka Sngi Nyngkong.
Namar u la ong ba ka Israel ka la dep thmu khnang ban phah ia kitei ki shipai jongka sha kitei ki 3 tylli ki ri, naka bynta ki kam basah jongka bad kumta ka Israel kan nym kynran dien ia kaei kaba ka la dep thmu naduh kaba sdang, kumba kitei ki lehnoh ki leit pyni bor bad leit tur bad pynthud hi ia ka Israel, ka Israel ruh kan ym kynran dien katba kam pat ioh ban pyndep ne pyn-urlong lut ia ki jingthmu jongka baroh.
