Tehran, Jylliew:
Ka tnat shipai jong ka Iran, ha kane ka sien ka la byrngem tyngeh ba kan pyni da ka bor bad kan pynhiar kput ia ka Israel halor ka jingleit thombor jong ka Israel sha ki bynta South jong ka Lebanon, ha kaba 4 ngut ki la duh ei noh ia ka jingim wat hapdeng ki jingkular ban dang pyniaid ia ka jingiakren iasuk hapdeng ka Iran bad ka US, ban wanrah noh syndon ia ka jingsuk bad ka jingsangeh thma hapoh Middle East, kynthup ia ka Lebanon.
Kumta ka Iran ka la ong “Lada kitei ki shipai bam-duh ia ka mynsiem ki khyllung- khynnah, kam lah ban pynkut noh ïa ki kam thombor jongki ha ki bynta ba Shathie jong ka Lebanon, ka dei ban ap ïa ka jingkynthoh kaba tyngeh na ki shipai ba khlaiñ bor jong ka Islamic Republic of Iran,” ong u Khatam al-Anbiya, uba dei u nongpynïaid pdeng jong ki shipai Iran.
Ka la bynrap ruh ba ka Israel ka la pynkheiñ ïa ka jingsangeh thma ha Lebanon “84 sien” naduh ba la pynbna ïa kane ka jingïateh kular.
