Dhaka, Jylliew:
Ki samla pule jong ka Dhaka University ki la wanrah ia ka jingiaid paidbah da ki torchlight ban pynpaw pyrshah ia ka jingkynnoh ba la pynjah burom ia kawei ka dur jong u Lord Ram ha ka por ba ki pynlong ia ka jingiakhih ha Gaibandha. Ki nongïakhih ki la dawa ruh ban sdang biang ïa ka jingtrei ban tei ïa uwei u mot jong u Lord Ram ha Gaibandha.
Ki kynhun rit paid ha Bangladesh, ki dawa ban leh eiei pyrshah ia ki jingbyrngem jong ka projek ban tei ia u mot ba heh tam jong ka ri jong u Lord Ram ha Palashbari upazila jong u Gaibandha. Ki nongsdang jong kane ka projek ki la pynbna ban pynsangeh noh shipor ïa ki kam shna hadien ba la nang kiew ka jingïakynad halor kane ka projek. Ia kane ka rai la pynbna ha ka jingialang bad ki nongthoh khubor ha kaba sdang jong une u bnai.
“Ngi dang tei ia u mot jong uwei na ki tyllong bor ba kongsan jong ka Sanatan Dharma, U Trai Ram. Ha u mot uba heh 81 phut, ngi la pyndep kumba 80% ka jingtrei, hynrei katto katne ki kynhun lehnoh kiba pynbor ia ngi mynta ban sangeh noh ia ka jingtei. Ngi la tieng bad ha ka jingtieng bad namar ka jingtieng ngi la pynsangeh noh ia ka jingtrei. Rahman bad sha ki bor jong ka aiñ bad sha ki seng bhalang ban pynthikna ba ngin lah ban pyndep ïa ka kam,” u Haridas Chandra Das, u Nongseng bad President jong ka Temple Committee jong ka Gaibandha Palashbari Komorpur Sri Sri Radha Govinda Temple.
Ka Bangladesh Hindu Buddhist Christian Unity Council Central Committee ka la bthah ïa ka sorkar ban tehlakam ïa ki jingma kiba dang ïaid shakhmat bad kyntu jur ïa ka sorkar ba ka dei ban shim noh mardor ïa ki lad ki lynti kiba biang ban pynkut noh ïa kine ki jingjia.
Ka seng jong ka hok jong ki rit paid ka la pynpaw ïa ka jingsngewkhia kaba jur halor ka jingbteng ban byrngem da ka kynhun kaba donbor ban pynpra ïa ka Temple Radha-Gobinda ha Gaibandha bad ka la maham ba kum kine ki jingjia ki lah ban pynthut jur ïa ka jingïatylli ha ka ri baroh kawei.
“Ha kane ka bynta, ka jingialang ka la khot ia ka Sorkar, ka bor synshar, ki sengbhalang, bad ki nongialam sain pyrthei ha ka kyrdan jong ka thain bad ka ri ban shim ia ki sienjam kiba kloi bad kiba biang ban pynneh pynsah ia ka jingsuk bad jingiatylli ha ka imlang sahlang. Ka jingialang ka la dawa shuh shuh ba kito kiba donkti ban pynmih ia ka jingshun bad jingpynkhihwin ki dei ban pynshitom bein.” ka jingpynbna na ka konsil ka la iathuh ha ka NDTV.
Ha kane ka jingiakhih jong ki samla pule ka Dhaka University, u Ram Prasad Saha Topu, uba dei u secretary ka tnad soskular jong ka Jagannath Hall Students’ Union, u la ong ba U Lord Ram u dei uwei na ki blei kiba la burom bha ha ka niam Hindu.
