Shillong, Jylliew 18
Ka shlem treikam jong ka District Sports Officer, East Jaiñtia ka la sdang ïa ka District Level Inter-School Subroto Mukherjee Cup Football Tournament 2026 ha ka 17 tarik ha madan Deinchynrum jong ka East Jaintia Hills District Sports Association (EJHDSA) kaba ha Khliehriat.
Ha kane ka lympung la wan shim bynta da 26 tylli ki skul. Kine ki kynthup ïa 15 tylli ha ka Under- 15 Boys, 18 tylli ha ka Under- 17 Boys bad 7 tylli ha ka Under- 17 Girls.
Ha ka Under- 17 Boys kaba la long ha madan Deinchynrum jong ka East Jaiñtia Hills District Sports Association (EJHDSA) kaba ha Khliehriat, ka Khliehriat HSS ka la jop da 7-0 kol ïa ka Little Flower Secondary School, kumjuh ka Rymbai Presbyterian HSS ka la jop da 6-0 kol ïa ka Khliehriat West UPS. Ka Sein Raij Tuber HSS ka la jop ïa ka Rymbai Pohskur HSS da 4-0 kol. Ka Little Star Secondary School ka la pynliem noh ïa ka Ambrose Memorial SS da 2-0 kol bad ka Byndihati Secondary School ka la jop da 2-1 kol ïa ka Divine Word Secondary School.
