Shillong, Jylliew 18
Ka lympung ïalehkai SRGT 3rd Division Football League 2026 ba la pynïaid da ka Shillong Sports Association (SSA) ka la nangjam shaphrang ha kaba baroh ar ki jingïalehkai ki la kut ha ka jingïakhaid ha ka sngi Palei.
Ha ka jingïakhun kaba nyngkong kaba la long ha SSA Stadium, hapdeng ka Umphyrnai SC bad ka Lawmali Pyllun SC ki la ïasam mar shi point hadien ba kim shym la lah ban thep kol haduh kaba kut ka jingïalehkai.
Kumjuh ka Kharang SC ka la lah ban pynïakhaid mar 1-1 kol pyrshah ïa ka Lummawbah SC. Katba ka jingïakhun hapdeng ka Mawkasiang SC bad ka Ïaitylli SC ki la kut ha ka jingïakhaid khlem da lah ban thep kol.
Kane ka lympung kan bteng biang ha ka sngi Thohdieng ha kaba ka Pomlakrai SC kan ïakhun pyrshah ïa ka Rynjah SC ha ka por 1 baje mynsngi, katba ka Umpling SC ïa ka Lumparing SC ha ka por 4 baje nohphai sngi ha SSA Stadium. Kawei pat ka jingïakhun ha ka por 4 baje nohphai sngi kan long hapdeng ka Lapalang SC pyrshah ïa ka Sanmer SC ha madan MFA.
