Shillong, Jylliew 18
Ka Meghalaya State Olympic Association (MSOA) kan pynlong biang ïa ka jingïakop ba la tip kum ka 5th Sohra International Half Marathon 2026 kaba la thmu ban pynlong ha ka 4 tarik u Nailur mynta u snem ha Sohra.
Ban pynkhreh ïa kane ka jingïakop, la pynlong ïa ka jingïalang pyrkhat kam kaba nyngkong ha ka sngi Palei ha ka shlem treikam jong u SDO Sohra ha kaba la ïadon lang u Bah M Challam (MCS) SDO, kumjuh ki nongïalang ka MSOA kiba kynthup ïa u Working President Bah John F. Kharshiing, u General Secretary Bah Finely L. Pariat, kumjuh u Deputy Director ka tnat ïalehkai ka Sorkar Jylla Bah
Païa B. War Nongbri, kiwei pat ki ophisar kiba kynthup ïa u Bah Adiel R. Kynta (MCS), PM Syiem (SDPO), kumjuh na ka tnat pulit, ka tnat ka koit ka khiah, PWD, Tourism, Education, Forest bad ki Sordar, ki Rangbah Shnong Sirdar na Laitsohpliah haduh Mawsmai ha kaba yn pynlong ïa kane ka jingïakop mareh.
Ha kane ka jingïalang la ïamir jingmut bad la wanrah ïa kiba bun ki jingai jingmut kumno ban pynkhreh bad ban pynbeit ïa baroh ki jingdonkam khnang ba kane ka Marathon kan long kaba jop.
