Shillong, Jylliew 19
Ka synjuk phutbol jong ka Iran (FFIRI) ka la pynbna ba kan ujor pyrshah ïa ka FIFA halor ka jingpyrkhing kaba jur bha ïa ka leit ka wan jong ka kynhun jong ka da ki nongpynïaid lang jong ka ri America ha kane ka lympung ïalehkai World Cup kaba dang ïaid shakhmat.
Hapoh ki kyndon visa jong ki mynta, ki nongïalehkai ka Iran ki lah ban poi lyngba ka liengsuin tang shisngi shwa ka jingïalehkai bad ki dei ban mih noh na ka ri mardor hadien ba la kut ka jingïalehkai.
Ka synjuk ka Iran ka ong ba kine ki kyndon kiba pyrkhing bha ki pynkheiñ ïa ka nongrim jong ka FIFA ban ai ïa ki jinglong kiba ïaryngkat na ka bynta baroh ki kynhun kiba ïashim bynta bad ka la pynthut jur ïa ka jingpynkhreh ïalehkai jong ki.
U Coach u la kynthoh hadien ba ka Iran ka la ïakhaid da 2-2 kol pyrshah ïa ka New Zealand ha Los Angeles, u Amir Ghalenoei u Coach rangbah u la ai kyrteng ïa ka Iran kum ka kynhun kaba shah pynshitom beiñ tam ha kane ka lympung, da kaba pynpaw ba ki la shah pynbor ban kiew liengsuiñ mardor hadien ka jingïalehkai ban leit phai biang sha ka jaka ai jinghikai jong ki ha Tijuana, Mexico.
Ka Iran kan pynkhreh na bynta ka jingïalehkai ka ban wan ha ka jingïakhun pyrshah ïa ka Belgium.
