Shillong, Jylliew 21
U Virat Kohli u la paw ha ka thup jong ka kynhun ïalehkai ka ri India na ka bynta ka jingïakhun jong ka ODI ha ka jingleit shim bynta sha England hadien ba u la duh shim bynta pyrshah ïa ka Afghanistan namar ka jingmynsaw.
Ïa kane la pynbna da ka Board of Control for Cricket in India (BCCI) ha ka sngi U Blei, hynrei ka jingïashim bynta jong u Kohli ha ka ODI la khmih lynti ba kan shong ha ka jingbiang ha ka koit ka khiah ka jong u.
Te kumta ka jingïakhun ka India na ka bynta ki lai tylli ki jingïalehkai ha ka ODI pyrshah ïa ka England kan long ha Edgbaston ha ka 14 tarik u Naitung, kumjuh ha Sophia Gardens (16 tarik) bad ha Lord’s (19 tarik).
U Jasprit Bumrah ruh u la wanphai biang sha ka jingïalehkai ODI. Une u nongkawang bol uba stet u la shah pynshong shwa na ka bynta kawei ka jingïalehkai Test bad lai tylli ki jingïalehkai ODI pyrshah ïa ka Afghanistan kum shi bynta jong ka jingthmu jong ka BCCI.
U Shubman Gill bad u Gautam Gambhir ki dei ki rangïalehkai ba kynsai na ka bynta ka ODI World Cup ka ban long ha u 2027.
U Kohli u la ngat ha ka jingmynsaw ha ka final jong ka IPL 2026 bad u la duh ïalehkai ha ka ODI series pyrshah ïa ka Afghanistan.
U Axar Patel u rangïalehkai (all-rounder) u la wanphai biang sha ka kynhun ïalehkai ODI hadien ba u la duh ïalehkai pyrshah ïa ka Afghanistan Series. Hynrei ïa u Yashasvi Jaiswal bad u Mohammed Siraj ym shym la kynthup hapoh ka kynhun ïalehkai ka ban leit ïakhun pyrshah ïa ka England.
U Gurnoor Brar u la ïoh jaka biang hapoh ka kynhun ïalehkai. Katba u Prince Yadav, ula duh noh, ha kaba u Harshit Rana, ula wanphai biang sha ka kynhun.
Na ka liang ka BCCI ka la ong ruh ba u Varun Chakaravarthy u dangdon ha ka bynta ba khatduh ba un wanphai sha ka jingkoit jingkhiah na ka jingmynsaw ha ka kjat ha ka por ba ïakhun ïa ka IPL 2026 bad kumta un duh iashim bynta ha ka jingïalehkai T20I ha Ireland.
Ki rangïalehkai ka ri India kiba la shah kynthup na ka bynta ka ODI ki long u Shubman Gill (Captain), Rohit Sharma, Virat Kohli, Shreyas Iyer (Vice-Captain), KL Rahul (WK), Ishan Kishan (WK), Washington Sundar, Axar Patel, Nitish Kumar Reddy, Kuldeep Yadav, Jasprit Bumrah, Prasidh Krishna, Harshit Rana, Arshdeep Singh & Gurnoor Brar.
Ki rangïalehkai ka India na ka bynta ka T20Is pyrshah ïa ka Ireland ki long u Shreyas Iyer (Captain), Abhishek Sharma, Sanju Samson (WK), Ishan Kishan (WK), Shivam Dube, Tilak Varma (Vice-Captain), Nitish Kumar Reddy, Axar Patel, Washington Sundar, Ravi Bishnoi, Harshit Rana, Arshdeep Singh, Prince Yadav, Vaibhav Sooryavanshi & Prasidh Krishna.
