Jowai, Jylliew 22
Ka District Administration & District Social Welfare Officer, West Jaiñtia Hills District ha ryngkat ka jingïatreilang bad ka ophis ka District Sports Officer, kin pynlong ïa ka jingïakop mareh ban ïakhun pyrshah ïa ka jingkyrni jong u drok bad kiwei ki kam sniew.
Ïa kane ka jingïakop mareh yn pynlong ha 25 tarik mynta u bnai naduh ka por 5.30 mynstep na ka bynta ki kynthei bad shynrang.
Ka jingkaweh lama kan sdang na Main Gate Kiang Nangbah Stadium bad ïaid lyngba ka Ladthadlaboh Main Road, Kiang Nangbah Govt. College, By Pass, Myntdu Bridge, Amlarem By Pass, Stand war, D.C Office, New Hill, National Highway bad pynkut ha Kiang Nangbah Indoor Stadium. La pynkhreh ruh ïa ki khusnam na ka bynta ki nongjop kata T. 7000/- ïa kiba wan ba nyngkong, ba-ar T. 5000 bad balai kin ïoh T. 3000.
