Shillong, Jylliew 22
Ka lympung ïalehkai SRGT 3rd Division Football League 2026 ba la pynïaid da ka Shillong Sports Association (SSA) ka la nangjam shaphrang ha ka lah sngi U Blei ha kaba ka Umïew Maw U Sam bad ka Lamlynti FC ki la khur jingjop.
Ha ka jingïalehkai kaba la long ha SSA Stadium, ka Umïew Maw U Sam ka la pynliem noh ïa ka Mawlynrei SC da 3-1 kol. Ka Umïew ka la pynkhih jar nyngkong eh lyngba u Banlamkupar Rynjah ha ka minit kaba 16, hynrei ka Mawlynrei ka la lah ban pynphai kylla lyngba u Shanbok Marboh (21) na ka bynta ban ïakhaid mar shi kol haduh kaba kut jong ka kylla step.
Hadien katto katne por ba la bteng ïa ka jingïakhun jong ka kylla miet, ka Umïew ka la ïoh ei shi kol na ka daw ka jingïarap pynthep da u rangïalehkai ka Mawlynrei u Manglianjam Zou (65) hashwa ba u Tiskhemlang Kharmylliem un thep ïa ka kol kaba khatduh ha ka minit kaba 74 bad ban pynlong ïa ka Umïew Maw U Sam ban khur syndon ïa ka jingjop.
Haba phai sha kawei pat ka jingïakhun kaba ar, ka Lamlynti FC ka la jop da 2-1 kol ïa ka Nongumlong SC. Kane ka la wan urlong lyngba ki kol ba la thep da u Biangki Khongjoh ha ka minit kaba 18 & 21. Hynrei ka Nongum -long ka la pynphai kylla shi kol lyngba u Tony Syngkli (51) hashwa ba kan mar ïa ka jingshah rem.
Ka jingïalehkai ha ka sngi Ba-ar kan long hapdeng ka Kharang SC pyrshah ïa ka Umphyrnai SC ha ka por 1 baje mynstep bad ka Lawmali Pyllun SC ïa ka Lummawbah SC ha ka por 4 baje nohphai sngi.
