Shillong, Jylliew 22
Ka kynhun ki khynnah ïalehkai gymnastics ka India ka la khur ïa ka takma rnong ha ka Asian Championship kaba la long ha Zunyi, China, kaba long ka jingjop kaba khraw ha ka jingïalehkai gymnastics jong ka ri.
Kane ka kynhun ki rangïalehkai ka kynthup ïa u Harschit Damodaran, Nishad Narvane, SK Nabigh Ali, Akshat Bajaj and Mohammed Zaid Ansari, kiba la lah ban pynpaw ïa ka jingkhlaiñ bor ban wan ha ka kyrdan balai da kaba kamai 224.493 poiñ.
Haba ïakhun pyrshah ïa ki katto katne ki kynhun jong ka dewbah Asia, kine ki khynnah ïalehkai ka India ki la lah ban pynpaw ïa ka jingtbit bad ban wan ha katei ka kyrdan.
Ka China kaba la ïoh ban pynlong ïa kane ka lympyng, ka la lah ban sar naphang na ka bynta ban khur ïa ka takma ksiar da kaba kamai 241.458 poiñ, katba ka Japan ka la khur ïa ka takma rnong da kaba kamai 239.461 poiñ.
Kane ka takma rnong ka dei ka jingjop kaba kongsan bha na ka bynta ka kynhun ïalehkai ki shynrang rit jong ka ri India bad ka pynpaw ïa ka jingkhlaiñ jong ka kynhun ha kane ka jingïalehkai.
