Washington, Jylliew:
La iathuh ba ka America bad ka Iran, ki la mynjur ban sangeh shwa ïa ka thma hadien ba baroh arliang mamla, ki la ïa siat suloi hajan ka Strait of Hormuz, ha kine ki khyndiat sngi ba ladep. Ki nongmihkhmat jong baroh ar tylli ki nongmihkhmat jong ka Washington bad ka Tehran, ki la mynjur ruh ban ïa kynduh ha Doha, Qatar, ha ka sngi thohdieng, na ka bynta ban ïakren shuh shuh, katkum ki jingkren jong u heh jong ka US, ïathuh ki lad pathai khubor,.
Ka Tehran kam pat pynmih kano kano ka jingpynbna, kaba la iehnoh ïa ka jingkynnoh halor ka nongrim jong ka Iran halor katei ka mat.
“Ngi la rai ban pynsangeh noh ïa baroh ki jingtreikam jong ka kinetic,” ong uwei u heh sorkar jong ka US ha ka Axios, da kaba pyndonkam ïa ka kyntien jong ki shipai na ka bynta ka jingïakynad.
Uwei pat u heh sorkar u la ïathuh ba “baroh arliang kin ïeng noh na ka bynta mynta bad ki lieng ki lah ban ïaid laitluid” namar ba ki jingïakren ba stad kin dang bteng.
Baroh ar tylli ki khubor ki la pynthikna ïa ka jingialang kaba la thmu ban long ha ka sngi Balang ha Doha.
Ka jingmih khubor jong ka jingsangeh thma kaba shipor, ka long hadien ka jingbyrngem jong u President jong ka US, U Donald Trump, ba kan dang pynjur shuh shuh ïa ki kam shipai, lada ki jinghiar thma jong ka Iran, ki dang ïai bteng. Ha kajuh ka por, ka Iran ka la maham ruh ba ka jingpynkheiñ ïa ka jingsangeh thma kan “pynlong ïa ka jingsangeh pura ïa baroh ki kam ïadei bad ka jingïadei”.
