PoK, Naitung:
Ki jingïakhih pyrshah sorkar ha Kashmir ba la bat da ka Pakistan (PoK) ki la kynjoh sha ka sngi kaba 24, ha kaba palat 80 hajar ngut ki nongïakhih ki la ïalum lang ha madan Eidgah ha Rawalakot, ha kaba u Sardar Aman Khan, u nongïalam jong ka Joint Awami Action Committee (JAAC), u la kynthoh ïa ka Pakistan halor kawei na ki jingïakhih. ki jingtei ba kongsan.U Khan, u la kam ba dei ki shipai jong ka Pakistan, kiba ju pynpoi ïa ki tiar siat sha ki nong Kashmir. U la ong ba ki shipai Pakistan hi ki ju pynpi ïa ki tiar siat bad ki kuli sha Jammu & Kashmir.
“Dei ka tnat shipai Pakistan hi kaba la pynpoi suloi sha Kashmir. Hynrei mynta ki nud ban khot ïa ngi ki lehnoh,” u la ong.
Haba kren ha kane ka jingialang, u Khan u la kdew ruh ïa ka jingialang jong ka Jaish-e-Mohammed ha u snem ba la dep ha u bnai Rymphang ha kaba ki nongiashim bynta jong katei ka jingialang ki ‘riew kieng atiar ki la iaid lyngba ka nongbah da kaba rah ïa ki tiar ialeh kiba shyrkhei kum ki AK-47 bad ki waitlam. U la ong ba u Deputy Commissioner ka Rawalakot u la ailad bad pynbiang ïa ka jingpahara ïa katei ka jingialang paidbah.
Ia ka jingkren jong u la pdiang sngewbha ruh da ka jingthap kti kaba jur na ki paidbah.
U Khan, u la maham ïa ka sorkar Pakistan, ba lada ym pdiang bad pyntreikam ïa ki 38 tylli ki jingdawa jong katei ka seng, katei ka mat, kan nym kut shuh tang ha kata bad ha ka jaka jong kata, kan kylla long kum ka jingiakhih ban dawa ba ka Pakistan, ka dei ban pynlait syndon ïa ka Kashmir, kaba la bat da ka Pakistan.
