France, Naitung:
Katkum ki khubor, la ong ba palat 3,000 ngut ki paidbah nongshong shnongjong ka France, ki la shah pynkynriah shnong noh na ki jaka ba Shathie jong ka France bad la ong ba ki la hap ban shu pyndonkam da ki helicopter synreit um ban ïakhun pyrshah ïa ki jingpluh khlaw hadien ka jingshit kaba jur bha ha u bnai ba la dep.
La hap ban phah mih noh ïa ki nongjngohkai pyrthei bad ki nongshong shnong jong ka thaiñ, hadien ba ka ding kaba la klang ha ka nongbah Sainte-Marie-la-Mer bad ka la pur sha Canet-en-Roussillon ha ka Sngi Palei.
Ki nongpynlip ding ki la iathuh ba haduh 3 hajar ngut ki briew ki la shah pynkynriah bad shiteng na ki, na ki lai tylli ki jaka sah kiba la shah ktah ha katei ka jingjia.
Haba iadei bad kane, la ong ba arngut ki nongpynlip ding ki la mynsaw malu- mala, ong u Pierre Regnault de La Mothe, uba dei u heh jong ka thaiñ, na ka bynta ka tnat ba Shathie jong ka Pyrenees-Orientales.
Ar spah ngut ki nongpynlip ding bad saw tylli ki liengsuiñ pynbthei um la pynlip ban pynlip ïa ka jingpluh.
“Ngi dang pynlong ïa ka kynhun kaba heh jong ki nongtrei mon sngewbha,” la ong u prefect.
Ha u bnai Iaiong, ka France ka la mad ïa ka jingshit kaba jur bha kaba la neh haduh 11 sngi bad ka la iohi ba ka jingshit ka la kiew palat ïa ka 40C ha kiba bun ki jaka.
Nalor ba ka don ka “jingktah kaba khraw” ïa ka koit ka khiah jong u briew, ki mariang, ka rep ka riang, bad ki jingtei, ka jingshit kaba phylla ka la pynsniew ïa ka jingma jong ka jingpluh khlaw, la ong ka seng pyrthei ha ka taiew ba la dep.
U myntri kam pohiing ka jylla, u Laurent Nunez, u iathuh ba 1,200ngut ki nongpynlip ding, ki la iaid naduh ka sngi thohdieng, ban ialeh pyrshah ïa ka jingpluh jong ki khlaw.
“Ka jinglong ka suinbneng ka dang long kaba sniew khamtam,” u la ong ha ka X.
Ka tnat peit mariang jong ka Meteo-France, ka ong ba ka jingshit kaba thymmai jong ka jingshit kaba jur, kan sa hiar ha ka ri ha ka taiew ban wan, wat la ym shym la khmih lynti ba kin long kiba jur bha kum ha u bnai Jylliew.
Katto katne ki riew saiñ pyrthei jong ka France, ki la kynthoh ïa kaei kaba ki khot ki lad ki lynti ki bym biang jong ki bor synshar ban ïarap ïa ka France ban ïakynduh ïa ka jingkiew ka jingshit jingkhriat, bad ki seng Greens ha ka sngi Thohdieng ki la mudui ïa ka jingbym shaniah shuh ïa ka sorkar.
