Shillong, Naitung 09
Ka long ka jingkmen ïa ka Jylla ba ka Pinky Narzary kaba dei ka dkhot jong ka All Meghalaya Taekwon-do Association, ka la ïoh ka lad ban mihkhmat ïa ka ri India kum ka ‘Interna-tional Referee’ ha ka G4 Ranking World Para Tae-kwondo kaba la long ha Chuncheon, South Korea.
Kane ka samla ka la long tang marwei na ri India ban ïoh ka lah ban pynïaid ha katei ka lympung ïalehkai Para Taekwondo.
Na ka liang ka All Meghalaya Taekwondo Association ka la ai khublei ïa ka Narzary halor ka jingshah jied ka jong ka.
Ka la ong ba ka nang ïa ki buit thymmai bad ka pyndonkam ïa kajuh na ka bynta ki nongïalehkai ka Meghalaya. Te kumta ka la ong ba shen ka AMTA kan sa sdang ban ai jinghikai ïa ki nongïalehkai kiba don jingduna ha ki dkhotmet ne para athlete.
