Shillong, Naitung 23
Ka lympung ïalehkai 2nd Badminton Promotional Tournament 2026 ka la sdang ha kane ka nongbah ha ka sngi Palei ha kaba la wan shim bynta da palat 200 ngut ki nongïalehkai badminton kylleng ka Jylla.
Ïa kane ka lympung ïalehkai kaba lai sngi kynthih la pynlong ha J.N. Indoor Sports Hall, Polo ha kaba la wan ban plie da u Myntri ka tnat Food, Civil Supplies and Consumer Affairs jong ka Sorkar Jyllau Bah Methodius Dkhar ha kaba la ïadon lang ki dkhot ka Organising Committee jong kane ka lympung.
Ha kane ka lympung la phiah ha la ki jong ki kyrdan ïalehkai kata Under-11, Under-13, Under-15, Under-17 bad ka Under-19 jong ki khynnah shynrang bad kynthei kaba long shi bynta ka jingplie lad ha ka ban kyntiew ïa kane jingïalehkai bad ban ailad ïa ki khynah ba kin pyni ïa la ki sap ba kyrpang jong ki.
La kynthup lang ruh ha kane ka lympung na ka bynta ki nongïalehkai kiba la kham rangbah (veteran).
