Nigeria, Naitung:
Katkum ki khubor, la iathuh ba ki kynhun runar ka Nigeria ki la rah bor ïa palat 40 ngut ki briew na ka thaiñ Northwest jong katei ka ri ha kaba kut jong ka taïew ba la dep bad ïa kane la phla da kito kiba lait phet bad da u heh sorkar na katei ka thaiñ haba iakren bad ki lad pathai khubor ha ka Sngi Ba-lang.
La ong ba ka kam rahbor, ka ju long ka buit kamai pisa kaba kongsan na ka bynta ki kynhun lehnoh ha Nigeria, kynthup ïa ki lehnoh jihadist ha ka thaiñ Shatei Lam Mihngi bad kumjuh ruh ki kynhun runar ki bym don jingithuh kiba la tip ha ka thaiñ kum ki runar kiba synshar ïa ka thaiñ Shatei Lam Mihngi.
U Alhaji Lauwali Abdullahi, uba dei u nongshong shnong jong ka Elaka Mayanchi kaba hap ha ka thain sorkar Lok jong ka Maru jong ka jylla Zamfara, u iathuh ba ka kynhun runar, ka la hiar thma ïa ki 11 tylli ki shnong, ha ka jingkhynra kaba bun sien hapdeng ka Sngi Thohdieng bad ka Sngi U Blei.
U Abdullahi u la kynnoh ïa katei ka jingshah thombor ha uwei u nongialam ki runar uba la tip kum u Kachalla Sa’idu.
U nongaiktien jong ki pulit ha Zamfara um shym la jubab ïa ka jingkylli ban ioh jingtip.
Ki kynhun runar ki treikam ha kylleng ki jaka nongkyndong shaphang shathie lam mihngi bad pdeng jong ka Nigeria ha kaba ka jingdon jong ki jylla ka long kaba tlot.
La tip ba ki shim “khajna” na ki nongrep, ki ri jingri, ki hiar thma ïa ki shnong bad ki donkti ha ki kam tih mawshun beain.
Ki kynhun runar ki lah ban long kiba heh bha ha ka jingheh: Ki shipai Nigeria ki la pyniap palat 300 ngut ki nongtuh ha ka jylla Zamfara ha ki ar sngi jong ka jingtreikam ha u bnai Jylliew, la ong u heh jong ka jylla ha kaba sdang jong une u bnai.
Ha kylleng ki jingeh bapher bapher jong ka ri, kiba ju ïa tyngkhuh lang, ki jingshah rahbor ki la paw ba ki long kiba myntoi.
Ki kam rahbor ki la lum kumba $1.66 million ha ka jingsiew bai lutksan hapdeng u Naitung 2024 bad u Jylliew 2025, katkum ka jingkhein da ka SBM Intelligence, ka kompeni ai jingmut kaba don ha Lagos.
Ka jingshah rahbor paidbah jong ki khynnah skul ha ka jylla Oyo, ha ka thain shatei lam mihngi jong ka ri kaba shngain bha, ka la phah ïa ka jingkyndit ha kylleng ka ri ha u Jymmang.
Kitei ki 40ngut tam ki khynnah skul bad ki nonghikai – kiba la kynnoh ba ki la shah rahbor ha ki lehnoh jihadist – la pyllait im ha ka jingkhynra ha kaba sdang jong une u bnai.
