Hawai, Naitung:
Uwei u nong California uba la 39 snem ka rta bad uba la jah rngai ha duriaw bah Pacific la kumba shi bnai tam, la ioh ban pyllait im noh ïa u hadien ba ka lieng jong u, ka la shah rah da ki spah mer sha Hawaii, ong ka khubor jong ka New York Post. U Kai Sato u la mih noh na Catalina Island ha ka 7 tarik u Jylliew da kaba shong ha ka lieng sail jong u. Hynrei ar taiew hadien ka jingleit, u mast u la bthei, ka engine ka la duh gas, bad ka phone jong u ka la iap. Ha ka jingleit jngai bad shabar na ki lynti iaid lieng ba kongsan, ka kaiphod ka la kdew ba u Sato u la shah iehnoh “kum ka han ba shah setkut hajuh” katba ki um ki rah ïa u shaphang shathie.
U la ong ruh ba u sngew kum “ka han kaba shu shong sahkut hajuh, uba shu shah rah suk sha ka phang Shathie da ka um kaba khlaiñ bad kaba tuid stet bha na ka lynti ba katei ka lieng jong u ka dei ban iaid”.
Hynrei hadien phra sngi, u la rai ban ialeh. U la pyndonkam da ki pipe PVC bad ki lyngkhot kayak ban pynbha ïa ka lieng bad ban pynskhem ïa ka.
Katkum ka khubor, u Sato um shym la don jingbam ei ei. U la im da ka jingbam oatmeal kaba sah bad kaei kaei kaba la shu sahkut hapoh i lieng jong u.
Ka la shim por haduh shibnai ban phai biang sha ka lynti kit lieng kaba leit na California sha Hawaii. Ha ka Sngi Ba-ar, kawei ka lieng kit mar kaba iaid lyngba, ka Pasha Hawaii, ka la iohi ïa ka lieng sail jong u Sato kaba la shah pynjulor. Ka dur kaba phylla kaba u Sato u la shim ka pyni ïa u mast ba la bthei bad ki um kiba la pynkhih ïa ka lieng kaba rit.
Ki nongtrei ki la pyrshang arsien ban pynhiar ïa kawei ka jingkieng lynti. Shisien ba u la kiew ha ka lieng, la ai ïa u Sato da ki jain, ki soh bad ka um hadien ba u la ai jingbam da ki taiew.
