Tehran, Naitung:
Ka tnat ïada ri jong ka Iran, ha ka Sngi Nyngkong ka la shim ïa ka jingim jong 4 ngut ki dkhot ka kynhun runar na Kurd hadien ba ka la rai pynrem bad ka la shim ïa ka rai ban pynkut noh ïa ka jingim jong kitei ki nongleh kam runar.
Ka Kurdistan Free Life Party (PJAK) ka shah khang pyrshah kum ka seng lehnoh da ka Iran, Turkey bad ka America.
“La lap ïa ki tiar siat bad ki kuli kiba kongsan, kynthup ïa ki katto katne ki pistol, ki kot khubor, ki kuli, bad ki bom kti,” ha ka kali jong ki, hajan ka nongbah Baneh ha ka thaiñ sepngi jong ka Kurdistan, la bynrap shuh shuh ka kyrwoh.
Ka PJAK, kaba dei ka tnat treikam jong ka Kurdistan Workers’ Party (PKK), ka la pynlong ïa ki kam pyrshah ïa ki shipai jong ka Iran, naduh ba la seng ïa ka ha u snem 2004.
Ha u bnai Rymphang, ki bor synshar jong ka Iran, ki la kem ïa ki 11 ngut ki dkhot jong katei ka kynhun, halor ka jingpharep ba ki la leh ïa ki kam thombor ha ki por ba la leit.
La ong ba ka Iran kam ju ailad ia kino- kino ki kam sniew ne kam runar ban kharoi hapoh u pud- u sam jongka bad kumta bunsien hi, haba ka lap ia kino- kino ki nongleh kam sniew ne ki runar, ka ju rai pynrem ia ki bad rai pyniap syndon ruh ia kito kiba la dep pyntikna ba ki don kti ha kino- kino ki kam kiba long pyrshah ia ka aiñ jong katei ka ri.
