Tehran, Naitung:
Ka ïing kashari jong ka Iran ha ka Sngi Ba-ar ka la pynbna sdien phasi ïa 2 ngut ki ‘riew pyrshah sorkar kiba iashim bynta ha ka jingiakhih pyrshah sorkar ha u Kyllalyngkot jong une u snem.
“Ïa katei ka rai pyniap pyrshah ïa u Abolfazl Sepahi bad u Amir-Hossein Safari, la dep pyntreikam ha katei ka step ka step,” la ong ka Mizan Online website jong ka tnat bishar katei ka ri.
Kumba la iathuh ba katei ka jingpyniap, ka la long ha ka madan ha ka nongbah Malekshahr ha ka phang pdeng jong ka jylla Isfahan, ha kaba ki riew paidbah ki la iadon lang ban sakhi ïa katei ka jingpynshitom ha katei ka sngi.
Kitei ki arngut ki la shah lap ba ki la thombor ïa ki pulit da ki wait bad ki wait, ki la teh ïa ki ha ki dak surok, ki la tan ïa ki ha madan, ki la pynsleh ïa ki da ka petrol, bad ki la thang ïa ki” ha ka 8 tarik u Kyllalyngkot, la ong u Mizan.
Ka la bynrap ba ki la mad ïa ki jingshah kynnoh “moharebeh (ban pynlong thma pyrshah ïa U Blei) da kaba sei ïa ki tiar bad pynmih ïa ka jingtieng bad jingsyier” bad “ka jingbamsap ha ka pyrthei namar ba ki leh ïa ki kam kiba pynthut jur ïa ka shongsuk shongsaiñ bad ka jingshngaiñ ha ka ri”, bad kiwei kiwei.
Ha kaba kut jong u bnai December, ka jingïakhih kaba la mih nyngkong namar ka jingkiew dor jong ka jingim ka la nang kiew stet sha ki jingïakhih pyrshah sorkar kiba la saphriang bha kiba la poi sha ka thong ha ka 8 bad 9 tarik u Kyllalyngkot.
Ki bor synshar jong ka Iran, ki la iathuh ba palat 3,000 ngut ki la iap, da kaba pynshong nongrim ïa katei ka jingshah thombor ha ki “kam lehnoh” ba la pynlong da ka America bad ka Israel, katba ki kynhun iada ïa ka hok longbriew manbriew, kiba don shabar ri, ki pynskhem ba ki bor pahara, ki la siat ïa ki nongiakhih.
U President jong ka America, u Donald Trump, ula byrngem ha katei ka por, ba un tuklar da ka kam shipai, ha Iran, ha shwa ba ka US bad ka Israel, kin hiar thma lang ha katei ka Ri, ha ka 28tarik u Rymphang, kaba la pynlong ïa ka thma Middle East.
Naduh kata ka por, ki jingshah kem bad ki jingshah pyniap ki la nang bun ha ka ri, kiba iadei bad baroh ar ki jingialeh bad ki jingiakhih.
Ha ka 19 tarik u Naitung, sa arngut kiwei pat ki briew ki la shah pyniap halor kijuh ki jingkynnoh ha ka Jylla Isfahan.
Kat kum ka Amnesty International, ka Iran, ka pynlong ïa ka ri kaba ar, kaba bun eh ki kam pynïap briew, na kino kino ki ri, hadien ka China.
