UK, Nailar:
Ha kane ka khubor, la ong ba uwei u nong Britain, u la kyllon iap ha ka jingshah synreit kuli ha Pakistan-occupied Kashmir (PoK) ha ka jingiakynad hapdeng ki bor pahara katei ka thaiñ bad ki paidbah nongiakhih ha katei ka sngi, ha kaba uwei pat u nong Britain hi u dang shah bat ha ki pulit ka Pakistan wat hapdeng ka jingpyrshang shitom jong ki bahaiing- bahasem jong u ban phah tuklar noh da ki heh bad ki bor pyniaid ka Britain haba iadei bad ka jingshah kem noh jong u ha Pakistan.
Kitei ki jingjia, kiba la pynbna da ka Guardian, ki pynpaw kumno ka jingkulmar ha ka thain PoK, ka la ktah ïa ki nongshong shnong jong ka ri Bilat, kiba don jingiadei bad kiba don ïa ki kam- ki jam jongki ha katei ka thaiñ.
U Mohammad Akhtar, uba la 50 snem ka rta uba shong basah ha Peterborough, u don ha Kotli, ha ka por ba ka jingkulmar, ka la mih ha ka 9 tarik u Jylliew.
Ki bahaïing jong u ki la ong ba um shym la ïashim bynta ha ki jingïakhih bad u sahkut hajan ka jaka ba ki jingïakhih ki dang jia. Katkum ka jingïathuh jong u para jong u, u Mohammad Saad, ki bor pahara jong ka Pakistan ki la siat ïa ka jingïalang jong ki nongïakhih kiba dawa ban pynkylla ïa ka ïoh ka kot bad ka elekshon.
“Um shym la iashim bynta ha ki jingiakhih hynrei ki jingiakhih ki jia hajan ka iing jong u”, la ong u Saad.
“Ka la don ka jingsiat jong ki shipai ha katei ka sngi bad u la shah siat ha u kuli ba la jah rngai. Ka la don ka jingmynsaw kuli ha ka liang ka shyntur jong u,” la ong u Saad bad bynrap ba ki khun jong u Akhtar ki la rai ban nym bud ïa katei ka kam bad ki bor synshar jong ka ri Bilat.
Ka longïing kam shym la lah ban ïoh ïa ka jingujor pulit ba la pynrung kyrteng ha PoK bad ka tieng ba ka jingpynleit jingmut ha kane ka mukotduma ka lah ban buh ïa ki ha ka jingma kaba kham jur, ong u Saad.
