Washington, Nailar:
Katkum ki khubor, la ong ba ka ram jong ka ri America ka la palat ïa ka jingkheiñ kaba la poi sha u pud jong ka jing-eh ban shu sngap mynthi, ha kaba ka sorkar US ka la pynpaw ba ka ram jong ka ri ka la kot ïa ka $40 trillion ha kane ka kynti.
La ong ba katei ka ram jong ka US, ka la kiew bha ha ka por ba ka US ka donkam bha ïa ka jingkyrshan ha ka liang- ka ioh ka kot bad kumta ka donkam kham bun ka mang tyngka. Nalor kata, ka jingmih jong ka tnat pla tyngka jong ka US ha kum katei ka por ruh ka la nang hiar bad kynduh shibun ki jingeh kiba ka US kam pat ju sakhi ha kine ki ki phew snem ba la leit bad kane ka la nang kyntiew ïa ka jingkit jong ka sorkar ha ka liang ka sut.
Halor kane, u President jong ka US, u Donald Trump, u la kynthoh biang sa shisien, ba ka America, ka dei ban siew kham duna ban shim ram. U la ong ba ka US ka dei ban siew ïa ka “sut kaba duna tam”. “Ka jingpynhiar ïa ka jinglut jingsep ha ka jingshim ram ka lah ban pynim ïa ka sorkar ha ka jingmyntroi kaba khraw bha”, la ong u Trump.
