Tehran, Nailar:
U Myntri ka tnat ka ioh- ka kot jong ka Iran, u Ali Madanizadeh, ha ka Sngi Nyngkong u la iathuh lypa sa ïa kawei pat ka jingleh jong ka US ka ban wanlan sha ka jingshah rem jongka hi, ha kaba, u la ong ba ka Islamic Republic ka don ïa shibun ki jingthmu naka bynta ki 2 snem ban tehlakam ïa ki kyndon ba thymmai jong ka America.
Namar u la ong ba ka US, ka don ka bor ban pynjynjar ïa kiwei pat ki ri jong ka pyrthei, kiba ialeh pyrshah ïa ka mon jongka bad kumta ruh ka US ka don ka bor ban tynjuh ïa ka Iran, hynrei baroh kitei ki jingthmu jong ka, ki ju pulom bad sep-ei kai na ka por- sha ka por. Kumta, ruh u la pynksan da kaba ong ‘Imat ha kane ka por, ki kwah sa kawei pat ka jingshah rem.’
Utei u heh ka Iran, u la ong ba ka Iran ka la shu ap ïa kine ki rai jong ka US, khnang ba kan ioh ban pyntreikam ïa ki jingthmu jongka, kiba ka la pyn-ap la slem ban ioh ban pyntreikam ïa ki.
Kumta u la ong ruh ba ka Iran ka don la ki jong ki buit ban ialeh pyrshah ïa ka jingleh don bor jong ka America bad ka shim por tang 2 snem ïa ka Iran ba kan pyndep ïa kitei ki jingthmu jongka baroh. Ha katei ka por, ka US kan sa dem khrup hapoh ki sla kjat jong ka Iran bad kan hap ban mad ïa ka jingshah rem kaba kthang kham bun shah ban ïa kaba ka la dep mad ha ki por ba la leit.
Namar la ong ba ka US ka la pynngat kyndon na ka por- sha ka por pyrshah ïa ka Iran, naduh ba ka la leit ban hiar thma pyrshah ïa ka Iran, hynrei kam shym ioh ïa kaei kaba ka kwah bad kam shym ioh ïa ki jing ang-nud jongka na ka Iran namar ba ki nongialam ka Iran kim shym ailad ïa ka US ba kan synshar donbor bad pyniaid ïa ki kam ki jam jong ka Iran katkum ka jingtywa jong ka US.
