Jowai, Nailur 02
Ka lympung ïalehkai 2nd Division ba la pynïaid da ka Thadlaskein Sports Association (TSA) ka la nangjam shaphrang ha ka sngi Balang ha madan Multi Sports Complex Wahïajer.
Ha ka jingïalehkai kaba nyngkong, ka Iongshiwiat ka la pynliem noh ïa ka Ryntih Mynsngat da 3-2 kol. Kane ka la wan lyngba u Chanki Dkhar (41), Chibor Phawa (43) bad u Daunibiang Lyngdoh (58). Hynrei ka Ryntih Mynsngat ka la pynphai kylla ar kol lyngba u Carlos Thubru (9) bad u Shaipyrkhat Siangshai (14).
Ha ka jingïalehkai kaba bud, ka Lumkynter SC ka la pynliem noh ïa ka Hunlang FC Rakabah lyngba ka shi kol ba la thep da u Plielad Dkhar (46).
Haba phai sha kawei pat ka jingïalehkai, ka Myngkrem SC ka la jop da 2-0 kol ïa ka Ïawpynsin SC Wahïajer bad ïa kine la thep da u Arisoki Khynriam (38,49).
