Shillong, Risaw 21
Ka Wahlyngkien Sunei SC ka la pynliem noh ïa ka Thaiñthynroh da 2-0 kol na ka bynta ban khur jingjop ha ka First Division Football League ba la pynïaid da ka Tyrsad Area Sports Association ha ka sngi Balang.
Ha kane ka jingïalehkai kaba la long ha madan Mawkaton Tyrsad, ki rangïalehkai ka Wahlyngkien ki la ïakhun tyngeh naduh kaba sdang ha kaba ki la ïoh ban thep ar kol lyngba u Aiboklang Khongwar ha ka minit kaba 18 bad kawei pat da u Keming kharhunai (34).
Haba phai sha kawei pat ka jingïakhun hapdeng ka Umkaber SC bad ka Rangshangkham SC ki la ïakhaid mar 2-2 kol.
Ïa ki kol na ka Rangshangkham la thep da u Belstarlang L. Nonglait (8) bad u Kyndaistar L Nonglait (79), hynrei ka Umkaber ka la pynphai kylla ar kol lyngba u Pynshaibor Kharbteng ha ka (36 & 90).
