Jowai, Risaw 21
Ka Lakadong Umlatdoh SCSC ka la rung sha ka quarter final ha ka 1st Division na ka bynta ka Thomas Nongtdu Memorial Trophy ba la pynïaid da ka East Jaiñtia Hills District Football Association.
Kane ka jinglah ban pynthikna ka la wan hadien ba ka la pynliem da 2-1 kol ïa ka Rymbai Madanpynriang SC ha ka sngi Balang ha madan Diengshynrum, Khliehriat.
Ha kane ka jingïakhun ka Rymbai Madanpynriang ka la pynkhih jar nyngkong lyngba u William Dkhar (8), hynrei ka Lakadong Umlatdoh ka la lah ban pynphai kylla ar kol ha ka kylla miet lyngba u Kiming Dkhar (53) bad Phrangsngi Pakem (66).
Haba phai sha ka Super Division (6th Kyrmen Shylla Contribution Trophy) hapdeng ka Shilliang Umshong SC bad Thangskai Tiger SC ki la ïakhaid mar 1-1 kol. Ïa ka Thangskai Tiger la thep da u Pynthymme Rymbai (25), hynrei u Phon Khaii (65) u la pynïakhaid kylla ïa ka Shilliang Umshong.
