Jowai, Risaw 21
Ka Evergreen SC ka la pynjem khnap haduh 10-1 kol ïa ka Maya SC ha ka lympung ïalehkai 1st Division Football League ba la pynïaid da ka Thadlaskeiñ Sports Association (TSA) ha ka sngi Balang ha Multi Sports Complex, Wahïajer.
U Sunibai Suna ula khyrwit da ka hat-trick hadien ba u la ïoh ban thep saw kol ha ka minit 52, 54, 60, 62.
Shwa ïa kane u Robest Syngkon ula thep kol nyngkong ha ka minit kaba 2, ha kaba la bynrap sa ki kol ba la thep da u Teddyson Bang (4, 35), Rimon Kharmuti (16), Dathrang Dkhar (30), Manbha Dkhar (48). Katba ïa ka shi kol na ka Maya la thep da u Ebiangmi Lamare (14).
Ha ka jingïalehkai kaba bud, hapdeng ka Friends United bad Umjalasiaw ki la ïakhaid mar 2-2 kol. Ka Friends United la thep ar kol lyngba u Same Syngkon (11 & 14), hynrei ka Umjalasiaw ka la pynphai kylla lyngba u Heimon Phawa (36) bad u Leimiki Dkhar (73).
