Amlarem, Risaw 21
Ka Amlanai, Pdengshakap, Youngboy Amshipai bad Sankhat SC ki la khur jingjop ha ka 1st Division bad 2nd Division Football League ba la pynïaid da ka Amlarem Subdivisional Sports Association (ASSA) ha ka sngi Balang ha Mini Stadium, Ladjaplem.
Ha ka jingïalehkai 1st Division, ka Amlanai ka la pynliem da 1-0 kol, katba ka Pdengshakap ka la pynliem da 3-0 kol ïa ka Dong Mihsngi Mupyut.
Haba phai sha ka 2nd Division, ka Youngboy Amshipai ka la pynliem da 2-1 kol ïa ka Traki Mawngap.
Ha kawei pat ka jingïalehkai, ka Sankhat SC ka la pynliem ïa ka Syntong Welfare da 2-1 kol.
Ia ki kol na ka Sankhat la thep da u Coming Surong (9) bad u Balijoit Dkhar (15), hynrei ka Syntong Welfare ka la pynphai kylla shi kol da u Sanki Mukhim (50).
