Washington, Nailur:
U Vice President jong ka US, u JD Vance, ha ka Sngi Thohdieng, ula ong ba ka America, ka dang tohkit halor ka jing thombor liengsuiñ, kaba ka Iran, ka ong ba ka la thombor ïa kawei ka jingkhawai shongkurim ha Iran.
“Ngi dang tohkit ïa ka namar ba shai ba ngi sngewkhia. Ngi kwah ban tip,” la ong u Vance ha ki nongthoh khubor ha ka jingialang jong ki nongthoh khubor ha White House.
“Lada ngi leh bakla, sa shisien, kane ka dei ka jingiapher kaba khraw hapdeng jong ngi bad ka Iran, haba ki shipai jong ngi ki leh bakla, ki shim jinghikai na ki ban pyrshang ban kham bha na ki,” la bynrap biang u Vance.
Ki heh sorkar jong ka Iran, ki iathuh ba saw ngut ki briew, ki la iap bad jan 70ngut, ki la mynsaw, na ka jingshah thombor, ha kawei ka iing ha ka por ba don ka jingkhawai shongkurim. Ka tv jong ka sorkar Iran, ka iathuh ha ka sngi Thohdieng, ba uwei u briew uba phra, uba 22 snem ka rta, ula khlad naduh katei ka por ha hospital.
Ka tnat shipai jong ka US ka la ong ba ka tip ïa ki khubor jong ka Iran hynrei ba kam ju thombor ïa ki riew paidbah”.
