Khliehriat, Nailur 06
Ka Rymbai Pohskur SC bad Khliehriat West FC ki la jam sha ka semi final jong ka lympung ïalehkai 3rd bad 2nd Division Football Tournament ba la pynïaid da ka East Jaiñtia Hills District Football Association, hadien ba ki la khur jingjop ha ka sngi Saitjaiñ ha madan Dieng-shynrum, Khliehriat.
Ha ka jingïalehkai quarter final jong ka 3rd Division, ka Rymbai Pohskur SC ka la pynliem da 2-0 kol ïa ka Umrasiang Utd SC. Ïa kine la thep da u Rivaldo Lyngdoh ha ka minit kaba 7 bad u Dakner Dkhar (80+3).
Haba phai sha ka quarter final jong ka 2nd Division, ka Khliehriat West FC ka la pynliem noh ïa ka Tuberkmai-shnong lyngba k tie-breaker da 5-4 kol.
Haduh kaba kut ka por ïalehkai kitei ki kynhun ki la ïathep mar 1-1 kol. Ka Tuberkmaishnong ka la pynkhih jar nyngkong lyngba u Lamwam Phawa ha ka minit kaba 24, hynrei ka Khliehriat West ka la pynphai kylla lyngba u Zanwame Swer (80+3).
