Jerusalem, Nailur:
U Myntri kam bar ri jong ka Israel, u Gideon Saar, ha ka Sngi Balang u la ong ba ka ri jong u, kam shym la thmu ban beh ne ban beh iano iano ruh na Gaza Strip, ha ka por ba u leit jngoh ïa ka Slovenia, na ka bynta ban plie ïa ka embassy jong ka Israel.
Lada don kiba kwah ban mih noh na Gaza “na la ka jong ka mon, bad ka don ka ri kaba kloi ban pdiang ïa u, kumba ka jia na kano kano ka jaka ba don ka jingialeh ha ka pyrthei, ngin ym pyrshah ïa kata,” u la bynrap.
Katto katne ngut ki dkhot jong ka kynhun myntri jong ka Israel, ki la kren shaphang ki jingthmu ban weng noh ïa baroh ar million ngut ki briew na Gaza, kaba la shah pynjulor ha ka thma, wat la ha kaba bun ki la niew ïa katei ka jingthmu, kum ka jingleh mon sngewbha, da kaba ong ba ki nong Palestine, ki kwah ban mih noh bad la khanglad ïa ki, da ka Hamas.
U Saar u la kren ïa kane ha ka jingïalang bad ki nongthoh khubor ha Ljubljana ha shwa ban plie ïa ka tnat treikam jong ka Israel hangtei katba ka Slovenia ka dang khmih lynti ban pynioh biang ïa ka jingïadei bad ka Israel hapoh ka jingsynshar jong u Janez Jansa, myntri rangbah duh jong ka ri, uba ieit ïa ka jaitbynriew.
U la ai khublei ïa ka Slovenia na ka bynta ka “jinglong paralok” jong ka bad na ka bynta ka “ieng bad ka Israel haba ka long kaba donkam”.
“Ka embassy ka long kham palat ban ïa ka lama ha ka iing. Ka dei ka jingbei tyngka ha ka jingiadei bad ka jingaiti ha ka lawei jong ka. Bad kata hi ka dei kaba ngi thmu ban leh lang,” la ong u Saar.
“Ka Israel ka kynmaw ïa ki paralok jong ka. Kumba phi la ieng ryngkat bad ngi, ngin ieng ryngkat bad phi,” u la ong.
