New Delhi, Nailur:
Shuwa ba u President ka China u Xi Jinping un wan sha India na ka bynta ka jingialang jong ka BRICS, ka China Southern Airlines ka la pynbna lypa ïa ka jingbteng ïa ki liengsuin na Guangzhou-New Delhi hadien ba la pynsangeh mynta la 6 snem.
Katei ka liengsuiñ, ha ka sngi saitjaiñ, ka la ong ba kan sdang biang ïa ka jingkit nongleit nongwan man ka por ha ka lynti ïaid Guangzhou-New Delhi kaba sdang naduh ka 21 tarik u Nailur, kumba la pynbna da ka tnat pathai khubor ka Global Times.
Hadien ka jingsdang biang, ka kompeni liengsuiñ kan pynïaid palat 100 tylli ki liengsuiñ man ka taiew ha kylleng ki 8 tylli ki lynti leit phai jong ka ha South Asia, la ong ka kompeni liengsuiñ.
Ka India bad ka China mynta u snem ki la sdang biang ïa ki kam liengsuiñ hadien ba la pynsangeh noh ïa ki namar ka jingpang COVID-19 bad ki jingeh hadien ka jingïakynad ha Doklam bad Galwan.
Ha kaba sdang jong une u snem, ka Air India ka la sdang biang ïa ki liengsuiñ New Delhi sha China naduh u Rymphang 2026, la jan hynriew snem hadien ba la pynsangeh ïa ka liengsuiñ. Ha u Risaw, ka jingpyniasoh liengsuiñ beit beit hapdeng ka India bad ka China ka la ïoh biang ïa ka jingkyntiew haba ka Air China ka la sdang biang ïa ka jingshakri jong ka na Beijing sha Delhi, kaba long ka lynti kaba ar ban leit sha India ban sdang biang da ki kompeni kit liengsuiñ jong ka China.
