Washington, Nailur:
U kurim barim jong ka Lindsay Clancy u la phla ba u la map ïa ka namar ba ka la pyniap ïa ki lai ngut ki khun rit jongki ha ka jingïakren ba nyngkong eh jong u ha ka telebishon ha ka Sngi U Blei ha ka jingiakren ba 60 minit jong ka CBS News naduh ba ka kynhun bishar ka la shu sahteng ha ka jingbishar jongka halor ka jingïap jong kitei ki khyllung.
U Patrick Clancy u la kren shaphang ka jingsngewsih jong u, da kaba ong ba u la ïaleh pyrshah ïa ki jingpyrkhat ban pynïap ïalade hadien ki jingshah pynïap bad u la mad ïa ka jingtieng ha ka por ba u dang ai sakhi ha ka jingbishar ïa ka Lindsay Clancy haba ki nongïasaid aiñ ki la la aiti ha ki nongbishar ban tohkit bniah ïa ka jing phone jong u sha u nombar 911 jong u ban pyntip ïa ka jingïap jong ki khynnah.
Ha ka jingbishar, la iathuh ba u Patrick u la pyrta jingïarap bad phone sha u nombar 911 bad ïam hadien ba u la lap ïa ka met ïap jong ki khun jong u hapoh ka kamra ïing jong ka iing jongki.
Ha kaba sdang jong une u bnai, 11 ngut na ki 12 ngut ki nongbishar ki la pynkhreh ban pynkhuid ïa ka Lindsay Clancy na ka jingkitkhlieh, ha kaba kiba bun ki sngew ba ka kmie na Massachusetts ka don ha ka jingshah teh ha ka jingpang kaba rit bha kaba ki khot ka jingpang pyrkhat hadien ba la kha khun haba ka la pyniap ïa ki khun jong ka ha u snem 2023. ka la leh.
U Patrick Clancy u la ong ruh ba u khun khadduh jong u, u Callan, um shym la ïap mardor ha katei ka sngi ba shyrkhei ha ka 24 tarik u Kyllalyngkot, 2023, hynrei u la im sa saw sngi shuwa ba un ïap ha ki kti jong u.
Katba u dang bat ïa la u khun uba dang 8 bnai, u la ong ba u la type da kawei ka kti ïa ki jingai burom ïa kiwei pat ki khun jong u, ka Cora, kaba 5 snem bad ka Dawson, kaba 2 snem, bad u la map ruh ïa ka tnga jong u.
“Nga la iohi ïa ki khlieh khubor kiba ong ‘ka kmie pyniap briew’ bad ‘ka nongpyniap khunlung’ bad ym don kawei ruh kaba thikna,” u la ong. “Nga ngeit ba dei ka jingpang pyrkhat jong ka kaba la pynlong ïa kata.”
U Clancy u la ong ba ka jingeh na ki jingpyniap briew bad ka jingbishar ka la shim por.
“Ka la don ka por ba ngam shym la pyrkhat ba ngan im ban iohi ïa ka sngi kha kaba 35 snem jong nga, bad nga la biang pura bad kata,” u la ong.
U la kren ruh shaphang ki jingkynthoh thok jong ki social media kiba don sawdong jong katei ka mukotduma, kiba la kynthup ïa ki jingkynnoh bym don nongrim ba u don jingïadei bad ka jingïap jong ki khun jong u.
“Ka long kaba ma shibun ïa ka pateng jong ki khun jong nga,” la ong u Patrick Clancy. “Ka long ka jingpynthut kaba khraw na kaei kaba kongsan shisha hangne, kata ka long ka jingkoit jingkhiah ha ka bor pyrkhat ha ka por ba kha khun.”
“Ngam sngewthuh kumno ka jingiathuh-khana ka la kylla khongpong haduh katne,” ka la ong. “Nga la long tang ka khynnah kynthei kaba la iakynduh ïa uwei u shynrang uba mareh ha Central Park ha ka sngi Saitjain kaba khriat shisha. Bad ngam tharai ba ka don ei ei kaba bakla ha kata.”
Ha katei ka jingiakren, la kylli ïa U Patrick Clancy, hato u bitar ialade ne u sngew kumba u la bakla ha kano kano ka rukom.
“Nga tharai ba nga la leh ïa kaba bha tam katba nga lah da kaba nga don ha kata ka por”, la ong u Clancy. “Bad nga im bad ka jingmih. Nga im bad ka man la ka sngi.”
Ha ka jingbishar, ym don kawei ruh ka liang kaba la ïaleh pyrshah ba ka Clancy ka la pynïap ïa ki khun jong ka ha ïing jong ka longïing shwa ba kan pyrshang ban pynkut noh ïa la ka jong ka jingim. Hynrei u nongiasaid ain jong ka u la ong ba ka dei ka kmie kaba ieid kaba mad ïa ki jingsngewthuh bakla kiba jylliew bad kiwei kiwei ki jingeh ha ka bor pyrkhat, na ka bynta kiba ka la ioh jingsumar.
