Ka dustur ka riti ka jaitbynriew. Ka shongkha shong-man ka long kum ka riti ka dustur ka jaitbynriew. U Blei nongbuh nongthaw nongpynlong ula seng ïa ka shongkha shongman haba ula thaw ïa u briew bad ka briew, shynrang bad kynthei. Kumta ka dei ban da tip ki kmie ki kpa halor ka shongkha shongman. Ka shongkha kam dei ban long kaba ïajan than, kata ban shongkha shi kur, shi para kha ka long ka bym bit ha u longshuwa manshuwa. ïa ki khun jong pasan, ki pakhynnah trai kata kiba shipara bad u kpa ym dei ban ibha ïa ki.
Lada ngi ïuhroit ïa kane ka jingbuh u longshuwa u manshwa kan lam sha ka jingjot. Haba i bha samla ïano ïano donkam eh ban ïathuh ha ki kmie ki kpa ka long ne em kaba bit ban ïa shongkha. Ha jingïohi jongnga bad da kaba burom ym dei ban ïa shong kumto khlem da tip ki kmie ki kpa. Lada ki kmie ki kpa ki long kiba don ba em bad kiba don khyndew ka shyiap ki dei ban sam bynta lang ïa baroh ki khun kynthei ne shynrang kumjuh. U shynrang u don ka jingïadei kaba jan bha bad ka kmie, kmie san, kmie nah, ki hynmen ki para kynthei bad shynrang, ki kynum ba wan shongkha ha hynmen, ki para kynthei bad ki pyrsa kiba long ki khun jong ka hynmen, ka para bad ki kiaw ki kthaw jong ki hynmen bad para.
U shynrang u long u kpa ha ïing u kñi ïingkur. Ka ïing khadduh ka long ka ïingkur ym dei ka nongkynti jong ka shimet, hynrei ka long ka ïing nongtymmen ba la pynïeng da ka umsyep ki kmie ki kpa. Ka kamram jong ka khadduh bad ki hynmen kynthei ka long ban ri ban sumar ïa ka kmie u kpa ha ka jinglong tymmen, ym dei ban bynshet tang ha ka khadduh marwei. Ki khun kynthei ki ioh bynta na ka nongtymmen i Mei i Pa. Kynmaw ka jingieit shi para ka pynkmen pynsngewbha ïa ka kmie u kpa. Kane ka long ka riti ka dustur to bat to burom.
C. B. Iawphniaw
