Nongstoiñ, Naiwieng 04
Ka kynhun ïalehkai jong ka Nuksa FC ka la khur ïa ka nam lahduh ha ka lympung ïalehkai phutbol ki rangbah ba la tip kum ka 1st Mawkaton Veterans Football Tournament 2026, hadien ba ka la pynliem noh ïa ka 4th MLP da 2-0 kol ha ka jingïakhun final ha ka sngi Balang ha madan Mawkaton, West Khasi Hills.
Ha kawei pat ka jingïalehkai jong ka Mawkaton Invitation Football Tournament, ka kynhun ïalehkai jong ka CHGS Majai ka la khur ïa ka jingjop, hadien ba ka la jop da 3-2 kol ïa ka Golden Touch Academy ha ka jingïalehkai kaba la long ha kajuh ka sngi.
Shuh shuh katei ka nam jop jong ka CHGS, ka la pynlong ruh ïa kane ka kynhun ba kan ïoh rung sha ka semi final jong kane ka lympung ïalehkai mynta u snem.
Ïa ka nam Man of the Match la khur da Meban Kurkalang na ka CHGS ha kaba u Bah GJL Sangriang, uba long u dkhot ka MFA u la long u kongsan, u la ïoh ban sam ïa ka khusnam ha ka jingdonlang ruh u Bah Samuel Hashah, President ka Futsal Association.
Na ka liang ki bor pynïaid jong kane ka lympung ki la pyntip ba ka jingïalehkai semi-final ba nyngkong kan long ha ka 12 tarik hapdeng ka Rambrai Jyrngam FC pyrshah ïa ka MLG ha ka por 2 baje nohphai sngi.
